Rövşənoğlu Holding Caspian Agro 2026 InterFood Azerbaijan sərgisində.
Yeniliklər və xəbərlər13 May 2026
Rövşənoğlu Holding komandası olaraq aqrar sahənin ən nüfuzlu beynəlxalq tədbirlərindən biri olan Caspian Agro 2026 sərgisində iştirak etdik. Sərgidə iştirakımızın əsas məqsədi kənd təsərrüfatı sektorunda fəaliyyət göstərən yerli və xarici şirkətlərlə yaxından tanış olmaq, innovativ məhsul və texnologiyaları araşdırmaq, eyni zamanda gələcək əməkdaşlıqlar üçün yeni tərəfdaşlıqlar qurmaq idi.
Sərgi çərçivəsində bitki mühafizə vasitələri, yüksək keyfiyyətli gübrələr, toxumçuluq, müasir aqrotexnologiyalar və innovativ kənd təsərrüfatı həlləri təqdim edən bir çox beynəlxalq şirkətlə görüşlər keçirildi. Aparılan müzakirələr zamanı ölkəmizin aqrar sektorunun ehtiyaclarına uyğun məhsullar, yeni nəsil aqrokimyəvi həllər və məhsuldarlığı artıracaq texnologiyalar ətrafında fikir mübadiləsi aparıldı.
Rövşənoğlu Holding olaraq əsas hədəfimiz dünya bazarında özünü doğrultmuş, keyfiyyət və effektivliyi ilə seçilən məhsulları ölkəmizə idxal edərək yerli fermerləri daha məhsuldar və dayanıqlı kənd təsərrüfatı üçün etibarlı gübrə və bitki mühafizə vasitələri ilə təmin etməkdir. Biz inanırıq ki, beynəlxalq təcrübənin və innovativ yanaşmaların tətbiqi aqrar sahənin inkişafında mühüm rol oynayır.
Gələcəkdə də kənd təsərrüfatının inkişafına töhfə verəcək yeni əməkdaşlıqlar qurmağa, fermerlər üçün daha faydalı və effektiv həllər təqdim etməyə davam edəcəyik.
(+994) 77 470 20 01
Şəmkir ray., Bakı-Qazax 393cü km, 3 yol dairəsi.
Ən son paylaşımlar
